_ არ გაინძრე ბაბუ!
_ ბაბუ კი არა, რომელი ხარ-მეთქი?
_ ნუ მოძრაობ! _ დემნა ტომარაძემ იარაღი გადატენა.
_ ვინ ხართ კაცო? რა გინდათ?
_ სამ სიტყვაზე მეტს იტყვი კიდე და გესვრი! ლექს, მიდი რამე თოკი დაითრიე. შენ გამოდი აქეთ!
_ საით?
_ ერთი!

_ აუ ჩემი...
_ რა არი?
_ ხმაზე ვიცანი ტო, თან ლექსოო.
_ ვინ არიან?
_ ტომარაძეები! ჩემი ძმის ძმაკაცები!
_ სუბოზე რო ზიან?
_ ხო.
_ მერე აქ რა უნდათ?
_ ბედი არ გინდა?! ალბათ რაც ჩვენ...
_ ის ბიძა აქეთ მოყავთ?!

_ შედი საძინებელში!
_ ჰა თოკი.
_ აეგ სკამი მიადგი კარადასთან და შენ დაჯე!
_ მივაბათ?
_ ხო.
_ ვინ უნდა მიაბათ თქვე...
ლექსომ სწრაფად გამოკრა სასხლეტს, თუმცა ტყვიამ ნოდარი ბიძიას ჩაუქროლა და კარადა შეხვრიტა.

_ ააა, დამჭრეს! _ ეკე ჩაიკეცა, კარადის კარებს ფეხი მიარტყა და გარეთ გადმოვარდა.

დემნას მოულოდნელობისაგან იარაღი გაუვარდა, ნოდარი ბიძია კი გულწასული დაეცა იატაკზე.
_ ჭაღი აანთეთ! _ დუდექსა ეკეს მივარდა ჭრილობის შესამოწმებლად, _ ნუ გეშინია, ფეხია.
_ თქვენ ვინ ხართ, ე? _ ლექსომ შუქი აანთო და იარაღის ასაღებად დაიხარა.
_ ეკე ვარ! გოჩას ძმა!
_ პეტრიაშვილი?
_ ხო ეგაა! ქენით ეხლა რამე თორე იცლება სისხლისგან!
_ უხ შენი მიზანი მოვტყან!
_ ბინტი, სპირტი!
_ არ მოკვდე, ე.
_ აქ გაჩერება აპასნია, გავიდეთ რა.
_ აიყვანეთ ეს ხელში და წამო.
დუდექსამ მაისური გადაიძრო და ეკეს ფეხზე შემოახვია, ლექსომ და დემნამ კი ხელში აიყვანეს.
_ ჩქარა, ჩქარა!
უცებ სახლის გარშემო სირენები აწკრიალდნენ და ფარებანთებული საპატრულო მანქანებით გაივსო ეზო.
_ ვსო დაგვენძრა!
_ ვინმე მეზობელმა იბოზა ალბათ.
_ შუქი არ უნდა აგვენთო.
_ სროლის ხმას გაიგებდნენ!
_ ფანჯარასთან დადექით სახით და ხელები კეფაზე! _ მოისმა ქვემოდან.
_ დავითესეთ! _ ტომარაძეებმა ეკე იქვე მიაგდეს და სახურავისკენ მოკურცხლეს.
_ ნაბოზრებო! _ მიაძახა მარტოდდარჩენილმა დუდექსამ და ძმაკაცთან ჩაიმუხლა, _ რა ვქნათ?
_ გადაიხედე ფანჯრიდან და უთხარი რო დაჭრილი ვარ.
_ დაგვიჭერენ!
_ გააკეთე რა რასაც გეუბნები!
_ არ ისროლოთ! _ ექვსი მანქანა იდგა ქვემოთ და თხუთმეტამდე ზემოთ ამოშვერილი ლულა, _ აქ დაჭრილია!
_ სისხლისგან იცლება-თქო, _ უკარნახა ეკემ.
_ სისხლისგან იცლება!
_ არ გაინძრეთ! ვინ ხართ? _ უნდობლად იყვირეს ქვემოდან.
_ მეზობლები ვართ, სახლს ძარცვავდნენ და შემოვედით, _ წაიჩურჩულა კვლავ ეკემ.
დუდექსამ დამაჯერებლად გაუმეორა და მალე რამდენიმე პოლიციელი მეორე სართულისაკენ დაიძრა.
_ დანა და ნიღბები ძირს დაყარე!
_ რატო?
_ ვითომ იმათია! რამ გამოგაშტერა ტო...
_ საით გაიქცნენ? _ რადგან ვერაფერი უპოვეს და თან ეკეც ასეთ ცუდ დღეში იყო, მათზე აღარ უეჭვიათ, _ ფეხი ძალიან გტკივა?
_ ბევრი სისხლი დაკარგა.
_ ეხლა მალე სასწრაფო მოვა, _ პოლიციელმა რაცია ამოიღო, _ ერთი დაჭრილია და ერთი ხანში შესული კაცი გულწასული... 2 მანქანა...

_ აი პროსტა რა მაგარი ტიპები არიან, იმენა ვაბშე არაფრის არ ეშინიათო, _ ამბობდა მერე ელენკა და ეკეს წინადადებასაც დათანხდა, ფეხი რომ მომირჩება ვიბრატორის მაგივრობას გაგიწევო. გოჩა სულ გინებით დაშორდა ტომარაძეებს, ნოდარი ბიძიას კიდევ ბევრჯერ ეძინა სარკის ქვეშ ტახტზე, ელენკას მამამ კი, კარებზე ახალი საკეტი და სიგნალიზაცია დააყენა.